இன்று பகலிலோ
இன்று இரவிலோ
நாளையோ
நாளை மறுநாளோ
அதற்கு
பிறகோ....
ஜனிக்கலாம்
ஒரு
மெலிய காற்றில்
மலரொன்று
மலர்வதைப் போல
ஒரு
கவிதை
அல்லது
மரணிக்கலாம்
ஒரு
வலிய காற்றில்
மரமொன்று
வீழ்வதைப் போல
ஒரு
கவிதை
உலகெல்லாம்
கொட்டி கிடக்கும்
கோடானு
கோடி
அற்ப
கவிதைகளில்
ஒன்று
மலர்ந்தாலென்ன ?
ஒன்று
மறைந்தாலென்ன ?
பசியில் இளைத்து
புயலில் களைத்து
புன்னகை பூத்திருக்கும்
காட்டு செடி
நான்
போவோர்
வருவோர்
பறிப்பர்
நுகர்வர்
கொண்டாடுவர்
பின் எறிவர்
என் வாசனைப் பூவை
sasiboojium.blogspot.com
நீண்ட நாட்களாக
களைத்துப் போய்
கண்ணயர்ந்து கிடக்கிறது
என் கவிதை
கண் விழித்தொரு நாள்
காரியமாற்றுமோ ?
கண் மூடியொரு நாள்
மண் மூடிப்போகுமோ ?
காலமோ....
கவிதையோ....
யாது நிகழுமோ
யாரறிவர் ?
sasiboojium.blogspot.com
அன்றைக்கு...
வெள்ளை
எலிகளை
விரட்டியடித்து...
கொள்ளை
பெருச்சாளிகளை
கஜானாவிற்கு
காவல்
வைத்தோம்
இன்றைக்கு...
தின்று
கொழுத்து
தின்று
கொழுத்து
தின்று
கொழுத்து
நன்று
வாழ்கிறது
கொள்ளை
சமூகம்
தீராக்
கடனுற்று
மீளாத்
துயருற்று
வறுமை
நோயுற்று
இருமி
இருமிச் சாகிறது
இந்திய
சமூகம்
sasiboojium.blogspot.com
கரோனா மீது
கடுங் கோபமெனக்கு ....
பூரண நிலாக்களை
முகக்கவசந் தரித்த
பிறை நிலாக்களாய்
குறைக்கிறதே
sasiboojium.blogspot.com
இருகூர் பிரிவு
கடக்கும் போதெல்லாம்...
அறம் மின் மயானத்து
மரம் என்னை
கரம் நீட்டி
அழைப்பது போலிருக்கும்
sasiboojium.blogspot.com
அனேகமாய்
திட்டி தீர்க்கும்
காறி உமிழும்
முகத்திலறையும்
கதவடைக்கும்,
சினேகமாய்
சில நாட்களே
கட்டியணைத்து
முத்தமிடும்
sasiboojium.blogspot.com
பூமியின் தேகத்தில்
மனிதனொரு வால்.
தலை போன்ற
தாவரங்களையும்
இதயம் போன்ற
அஃறினைகளையும்
கொன்றழித்து
தின்றழித்து
வாலே வலிமையென்று...
வால்
வாலாட்டிக் கொண்டிருக்கிறது
sasiboojium.blogspot.com
தேர்தல் சந்தையில்…
காப்பன் என்றும்
மேய்ப்பன் என்றும்
மீட்பன் என்றும்
கூவியோடி வரும்
திருடர் கூட்டம்.
வாயருகே தீனி வைத்து
கழுத்தருகே கத்தி வைக்கும்
கயவர் கூட்டம்.
ஆறறிவு ஆடுகளே,,,
எப்போதும் போலவே
இப்போதும்
கத்திக்கு தோதாய்
கழுத்தை வளைக்காதீர்
sasiboojium.blogspot.com
sasi Template by Ipietoon Blogger Template | Gift Idea
